Noyðast at gjalda, áðrenn fylt verður á tangan

Á bensinstøðini á Argjum roynir Effo í løtuni eina skipan, har bilførarar mugu gjalda fyri brennievnið, áðrenn teir fylla á bilin. 

Sambært stjóranum í Effo kemur tað fyri mestsum hvønn dag, at bilførarar fylla brennievni á bilin og fara avstað uttan at hava goldið.

Hoyr innslag í útvarpstíðindunum: 

Gunnar Nielsen

Gunnar Nielsen er stjóri í Effo.

Gunnar Nielsen vísir á, at á øllum støðunum hjá Effo eru framvegis tríggir hættir at gjalda: Við Effo-appini, við gjaldskorti og Effo-korti við pumpuna, og við at gjalda inni á støðini. Við appini verður eisini goldið, áðrenn fylt verður á.

Finn Jakobsen, stjóri í Magn, sigur í stuttari viðmerking, at sum nú er hevur Magn ongar ætlanir um at krevja gjald, áðrenn fylt verður á.