Uppsjóvarvinnan livir av Russlandi

Fyrsta ársfjórðing í ár seldu vit makrel fyri 351 milliónir krónur. Av hesum komu 252 milliónir krónur úr Russlandi. Altso komu 72 prosent av inntøkunum fyri makrelin úr Russlandi.

Sama er við sildini. Vit seldu sild fyri 184 milliónir krónur fyrsta ársfjórðing í ár. Av hesum keypti Russland fyri 133 milliónir krónur. Eisini her telur russiski marknaðurin 72 prosent av samlaðu køkuni.

Hagstovan hevur gjørt tølini fyri uttanlandshandilin upp fyri fyrsta ársfjórðing, og har seta vit met.