Samráðast aftur hesa vikuna

Enn er ikki komið á mál í samráðingunum hjá Lønardeildini í Fíggjarmálráðnum við fakfeløgini á almenna arbeiðsmarknaðinum.

Hesa vikuna vera samráðingar við feløgini hjá heilsurøktarum, sjúkrarøktarfrøðingum og lærarum.

Sáttmálarnir hjá feløgunum fóru úr gildi ávikavist 1.oktober í fjør og 1.januar í ár, men vera brúktir enn so leingi, nýggir sáttmálar ikki eru gjørdir, og samráðingarnar ikki eru slitnaðar.

Ruth Vang, landsstýriskvinna, hevur sagt, at karmurin í nýggjum sáttmálum verður 3,86 prosent í ár og 4,04 prosent næsta ár.