Nú melur ein mylla aftur í Neshaga

Tær fýra vindmyllurnar hjá SEV í Neshaga hava staðið stillar síðani illveðrið í februar, men nú er ein av myllunum farin at mala aftur. 

Hon hevur verið til umvælingar í Bretlandi.

Heri Mortensen

Heri Mortensen er deildarstjóri í SEV.

Vindmyllurnar í Neshaga eru illa egnaðar til føroyska veðurlagið, ásannar Heri Mortensen, deildarstjóri í SEV.

Tað hevur kostað fimm milliónir krónur at umvæla mylluna, sum nú melur aftur.

Hoyr innslag í útvarpstíðindunum: 

SEV hevur í løtuni 25 vindmyllur frá fyritøkuni Enercon, men Heri Mortensen sigur, at tað í løtuni er ivasamt, um SEV fer at keypa fleiri vindmyllur frá Enercon.

Sí innslag í Degi og Viku 20. mars um vindmyllur í Neshaga