450 hvalir løgdu beinini í Norðstreymoy

Okkurt um 450 grindahvalir doyðu í Norðstreymoy í gjár.

Grindin, sum doyði í Vestmanna, var 266 hvalir, 1600 skinn.

Grindin er býtt í drápspartar og heimapartar, hálvtannað skinn í part.

Seðlarnir komu út á bryggjuni í Vestmanna klokkan hálvgum átta í morgun.

Heimapartar eru til plássini, sum hoyra til hvalvágna. Tey eru Norðstreymoy, Vága sýsla, Koltur, Hestur, og vestursíðan á Suðurstreymoynni.

Í gjárkvøldið doyðu okkurt um 180 hvalir í Leynum.

Tann grindin var funnin á sama staði sum tann, sum doyði í Vestmanna, tað er við Slættanestanga.

Tann grindin er ikki merkt enn.