Hanus Pál Jógvansson verður skipaður í prestaembætið

Sunnudagin skipar Jógvan Fríðriksson, dómpróstur, Hanus Pál Jógvansson í embætið sum sóknarprestur í Suðuroyar norðara prestagjaldi.

Hanus Pál tekur við embætinum eftir Jens Mortan Mortensen, sum fór frá fyri aldur í fjør.

Hanus Pál hevur verið virkandi sóknarprestur í Suðuroyar norðara prestagjaldi. 

Hann er 30 ára gamal, og hevur lokið teologiskt embætisprógv frá lærda háskúlanum í Århus í 2020.

Nýggi sóknarpresturin verður skipaður í embætið undir gudstænastuni í Hvalbiar kirkju sunnudagin kl. 11.00, og hann byrjar í embætinum 1. juli, skrivar heimasíðan hjá fólkakirkjuni