Óbroytt støða hjá barnaverndini

Við árslok 2022 vóru 874 virkin barnaverndarmál í Føroyum.

Hetta er nakað tað sama sum undanfarin ár. 

Lutfalslig fæst mál hevði Skálafjørðurin, 3,7 prosent av barnatalinum í økinum. 

Flest mál vóru í Sandoynni, 9,4 prosent av barnatalinum.

Fyri børn til og við 17 ár eru fleiri dreingir í barnaverndarmálum, 442 dreingir og 380 gentur. 

Men í bólkinum 18-22 ár eru 38 gentur og 14 dreingir. 

Ófødd børn eisini við 

Ófødd børn eru eisini í hagtølunum hjá Barnaverndarstovuni.

Tey vóru fimm í 2022, sama tal sum í 2021.

Eins og undanfarnu trý árini koma flestu fráboðanir til barnaverndina frá løgreglu, skúla og foreldramyndugleikum.

Flestu fráboðanir eru um vanrøkt. 

Við ársenda í 2022 vóru 94 góðkendar fosturfamiljur í fosturforeldraskipanini.