Sverri vann silvur

Hetta er onnur World Cup kappingin í ár, og Sverri kom á mál sum nummar tvey trý sekund aftan fyri týskaran Oliver Zeidler, sum vann sannførandi. 

Sverri legði væl út og fekk ein góðan start, men týskarin legði seg á odda rættiliga tíðliga í róðrinum og økti mestsum allan vegin. Sverri royndi seg við nøkrum atsóknum fyri at nærkast týskaranum, men hvørja ferð hevði týskarin orku til at svara aftur. 

Oliver Zeidler vann róðurin við tíðini 6.36.18, Sverri hevði tíðina 6.39.13 og bronsumerkið fór til japanaran Ryuta Arakawa, sum hevði tíðina 6.44.16. Talan er um eitt søguligt bronsumerki, tí hetta er fyrstu ferð, at Japan vinnur heiðursmerki í einkultskullarakappingini. 

sverrisilvur169.jpg

Frítekst tagging: 

Ítróttur

Rógving

kappróður

Sverri Sandberg Nielsen