Heilsuhjálparar í Fasta gerðarrættin við arbeiðsgevarum

Heilsuhjálparafelagið er farið í Fasta gerðarrættin við Kommunala arbeiðsgevarafelagnum.

Orsøkin er, at feløgini tulka ikki sáttmálan eins.

Í sáttmálanum stendur, at arbeiðstíðin er átta tímar um dagin. 

Tó eru møguleikar fyri at gera avtalur um frávik, um arbeiðsgongdin á starvsstaðnum krevur tað, stendur í sáttmálanum.

Málið í Fasta gerðarrættinum er, um talan er um sáttmálabrot, tá arbeiðsgevarar biðja heilsuhjálparar arbeiða vaktir, sum eru annað enn átta tímar, tá eingin avtala er um hetta millum partarnar.