Kommunan letur 4,5 milliónir til Koltursverkætlanina

Tórshavnar býráð hevur einmælt samtykt at lata 4,5 mió. kr. til Koltursverkætlanina, hálvaaðru millión um árið næsta ár, í 2025 og 2026.

Tjóðsavnið vil, at kommunan letur líka nógv sum landið, tað eru níggju milliónir, til vatn, kloakk og betri atkomu frá bryggjuni niðan í bygdina, serliga fyri tey, sum eru illa gongd.

Í sambandi við ferðavinnupolitikkin hjá Tórshavnar kommunu var mett, hvussu nógv tað fór at kosta at dagføra vatn og kloakk. Metingin segði tvær milliónir krónur.

Rúm er í fíggjarkarminum í 2023 hjá Tórshavnar kommunu fyri at lata eina millión til Koltursætlanina. Tað hevur býráðið eisini samtykt.

Byggi- og projekteringararbeiðið í Koltri er mett at kosta 67 mió.kr. og tekur trý ár.

Koltur er í Tórshavnar kommunu.