Eitt tilboð upp á øki til íbúðabygging

Bara eittans tilboð kom, tá Tórshavnar kommununa bjóðaði út eitt øki oman fyri Argjahamar til sølu til íbúðabygging.

Tilboðið er frá Jóan Peturi Vang, sum brúkar Kontrast sum ráðgeva. 

Lendið, sum er 3.740 fermetrar, verður selt fyri góðar 6,2 mió. kr.

Býráðið samtykti í gjár at samráðast við Jóan Petur Vang og selja honum lendið, um samráðingarnar við hann bera á mál.

Jóan Petur Vang hevur tvey uppskot um íbúðabygging á lendinum, sum hann hevur boðið uppá.