Trý fólk fáa listaløn

Mentanargrunnur Landsins hevur valt at geva trimum føroyskum listafólkum listafólkaløn í trý ár at arbeiða burturav við bókmentum, myndlist og tónlist.

Tey trý eru Marjun Syderbø Kjelnæs, Hanni Julius Bjartalíð og Dánjal Dam á Neystabø.

23 umsóknir komu inn um listafólkaløn.

Endamálið við listafólkalønunum er at bøta um umstøðurnar hjá yrkislistafólkum, og lønirnar verða veittar umsøkjarum við støði í verkevni ella verkætlan, sum eftir nevndarinnar meting hava listalig og faklig dygdareyðkenni. 

Listafólk skal í einum trý ára skeiði arbeiða burturav við síni list. 

Listafólkalønin svarar til læraraløn á fólkaskúlans lønarstigi 21, stig 1.