Á Breddanum: Politiskt orðaskifti um snarskipanina

Snarskipanin var politiska loysnin til stóra trotið á arbeiðsmegi hjá vinnulívinum. 

Hálvtannað ár eftir, at skipanin bleiv sett í verk, verða spurnartekin sett við, um skipanin er haldfør í longdini, eftir fleiri søgur seinastu tíðina, sum vísa á vansar við henni. 

Fýra tingfólk koma í útvarpsstovuna at kjakast um snarskipanina.

Tey eru Liljan Weihe úr Tjóðveldi, Uni Holm Johannesen úr Javnaðarflokkinum, Árni Skaale úr Fólkaflokkinum, og Magnus Rasmussen úr Sambandsflokkinum. Hann var landsstýrismaður í vinnumálum, tá avtalan um snarskipanina var gjørd.

Breddin í útvarpinum klokkan 10. Sendingin verður eisini stroymd á kvf.fo