Løgreglan skal gera fleiri kanningar í máli um Bakkafrost

Tað verður ikki hesumegin summarfrítíðina, at ákæruvaldið avgreiðir málið um sektina hjá Bakkafrosti.

Málið er nú farið aftur til løgregluna, tí fleiri kanningar skulu gerast.

Ætlanin var annars hjá ákæruvaldinum at avgreiða málið fyri hálvan juli.

Heilsufrøðiliga starvsstovan heldur, at Bakkafrost skal fáa 67 mió. kr. í sekt fyri lógarbrot.

Og hon avgjørdi at senda fútanum málið til støðutakan.

Málið byrjaði á heysti 2021.