Svenning av Lofti ísraelskur heiðurskonsul

Ísrael hevur útnevnt Svenning av Lofti til ísraelskan heiðurskonsul í Føroyum.

Tað hendi í gjár, tá ísraelski sendiharrin í Danmark, David Akov, gjørdi Svenning av Lofti til heiðurskonsul.

Hetta var í ísraelsku sendistovuni í Keypmannahavn.

Ferðaleiðari síðani 1977

Svenning av Lofti hevur skipað fyri ferðum og verið ferðaleiðari hjá føroyingum á ísraelsferðum síðani 1977. Hann hevur verið í Ísrael okkurt um fimmti ferðir.

Svenning av Lofti var við til at stovna Vinarfelagið Føroyar-Ísrael, har hann í nógv ár var nevndarlimur og formaður.

Í mai 2007 heiðraði ísraelska ferðamálaráðið Svenning av Lofti, tí tá hevði hann ferðast við føroyingum til Ísraels í 30 ár.

Hetta er fyrstu ferð, at ísraelska sendistovan í Keypmannahavn útnevnir ein heiðurskonsul.