Steðgur í sáttmálasamráðingunum

Samráðingarnar millum sjúkrarøktarfrøðingarnar og Lønardeildina í Fíggjarmálaráðnum eru fyribils steðgaðar.

Partarnir vóru á fundi í gjár og samdust um at bíða við samráðingunum til eftir summarfrítíðina.

Óluva í Gong, forkvinna í felagnum Føroyskir sjúkrarøktarfrøðingar, sigur í stuttari viðmerking, at tað er torført at savna saman nevndina um summarið, tí tey eru í fulltíðarstarvi, og summarferiutíð er.

Jan Mortensen, stjóri á Lønardeildini, váttar, at samráðingar eru útsettar, og at tær verða tiknar uppaftur eftir summarfrítíðina.