Torført at fáa tilboð upp á arbeiði á útoyggj

Landsverk fekk einki tilboð upp á at gera farstøð á havnarlagnum á Syðradali.

- Tað er sjáldan, at vit ikki fáa boð upp á arbeiðið, men tað kemur fyri, sigur stjórin í Landsverki, Sigurd L. Lamhauge.

Landsverk bað um tilboð upp á heildararbeiðstøku, sum umfatar bygning, atkomu og økið uttanum. 

Syðradalur, ferðafólk í Syðradali

Ferðafólk á veg í land av Sam á Syðradali. (Savnsmynd)

Stjórin í Landsverki sigur, at kanska er tað meiri spennandi hjá byggifeløgum at arbeiða á meginøkinum, har tað er koyrandi aftur og fram.

Hoyr samrøðu við Sigurd L. Lamhauge í útvarpstíðindunum:

Farstøðin skal vera 64 fermetrar umframt 30,5 fermetrar, sum eru úti, men undir taki.