Verður stjóri í Globe Tracker

Globe Tracker hevur sett Joel undir Leitinum sum stjóra.

Hann tekur við eftir Rich Meyers, sum hevur verið stjóri síðsta hálva annað árið. Rich fer aftur í sítt fyrrverandi starv sum rakstrarstjóri í felagnum.

Joel undir Leitinum hevur verið partur av nevndini hjá Globe Tracker í fýra ár, seinastu tvey árini sum formaður.

48 fólk starvast 48 í Globe Tracker, harav 18 í Føroyum.

Globe Tracker hevur høvuðsskrivstovur í Havn og í Sarasota í Florida, umframt smærri skrivstovur í Reykjavík, Rotterdam, Hamburg, Singapore og Peru. Útgerðin verður framleidd á verksmiðjum í Danmark og í Kina.

Joel undir Leitinum hevur verið stjóri í Posta síðani 2011, men gevst har 1. juli.

Hoyr samrøðu, sum John Johannessen gjørdi við Joel undir Leitinum í útvarpstíðindunum: