Jens Stoltenberg heldur væntandi fram sum aðalskrivari

Nógv bendir á, at Jens Stoltenberg heldur fram sum NATO-aðalskrivari.

Sambært AP-tíðindastovuni eru ábendingar um, at tey 31 limalondini í NATO eru samd um at heita á Jens Stoltenberg, um at halda fram sum aðalskrivari.

AP hevur tíðindini frá einum amerikanskum embætismanni, sum skal hava kunnleika til avgerðina. Sambært embætismanninum er avgerðin ikki formliga tikin enn, men hann sigur, at Stoltenberg helst fer at verða spurdur rættiliga skjótt, kanska longu í hesi vikuni.

Fyrr hava tíðindi gingið um, at danski forsætisráðharrin, Mette Fredriksen, skuldi vera nýggjur aðalskrivari í NATO, men hetta tykist ikki longur vera á borðinum.