Sleppa ikki í Hægstarætt við máli um loðsflutning

Fuglafjarðar kommuna sleppur ikki í Hægstarætt við málinum um eina gamla trætu um loðsflutningin í Fuglafirði.

Tað hevur Procesbevillingsnævnet júst gjørt av.

Talan er um eitt mál, sum byrjaði í 2014, tá Fuglafjarðar kommuna gjørdi av, at bara ein fyritøka kundi veita loðstænastu í Fuglafjarðar havn.

Í 2018 staðfesti Kappingarráðið, at hetta var brot á kappingarlógina, tí kommunan hevði forðað einari aðrari fyritøku at veita loðsflutning.

Fuglafjarðar kommuna kærdi avgerðina til Vinnukærunevndina, sum í januar 2019 staðfesti avgerðina hjá Kappingarráðnum. 

Kommunan royndi so málið í Føroya rætti og seinni í Landsrættinum, men fekk ikki viðhald.

Nú er so avgjørt, at kommunan sleppur í Hægstarætt við málinum. Sostatt er tað avgjørt, at tað var skeivt av Fuglafjarðar kommunu bert at loyva einari fyritøku at veita loðstænastur.