Jákup Sverri kannað yngul og æti

Jákup Sverri er afturkomin av yngul- og ætikanningunum, sum árliga vera gjørdar á landgrunninum og Føroyabanka í juni.

Úrslitini frá landgrunninum vístu, at nøgdin av fiskayngli var yvir miðal samanborið við onnur ár, hóast tað er ymiskt fyri ymsu fiskasløgini, skrivar Havstovan. 

Nøgdin av toskayngli var yvir miðal, fyri hýsu var talið metstórt, fyri nebbasild um miðal og fyri hvítingsbróður undir miðal.

Støddin á ynglinum var áleið tann sama sum í fjør, tó undir miðal fyri øll fiskasløgini, tá hugt var at øllum tíðarskeiðnum frá 1983 til 2021.

Nógv ymisk fiskayngul vóru fyri fyrstu ferð skrásett á hesum túrinum, m.a. makrelyngul, gestfiskayngul og havállayngul.

Nøgdirnar av plantuæti á landgrunninum vóru um miðal. Sum heild var lítið av djóraæti inni á landgrunninum. Á Føroyabanka var sera lítið av djóraæti, skrivar Havstovan.