Nýggj farstøð: Ein møguleiki er fígging úr Íleggingargrunninum

Ein møguleiki til at fíggja eina nýggja farstøð á flogvøllinum, er at brúka pening úr Íleggingargrunninum.

Tað sigur Regin I. Jakobsen, stjóri í Vága Floghavn, sum hevur tørv á stórari milliónaupphædd, um flogvøllurin skal verða førur fyri at byggja nýggja farstøð:

Regin I. Jakobsen

Regin I. Jakobsen er stjóri í Vága floghavn.

Regin Jakobsen vísir á, at flogvøllurin megnar ikki at fíggja nýggja farstøð sjálvur:

Bjarni Kárason Petersen, landstýrismaður, 16:9

Bjarni Kárason Petersen, landsstýrismaður, varðar av Vága floghavn. (Mynd: Bjarni Árting Rubeksen)

Vita um tørvin

Bjarni Kárason Petersen er landsstýrismaður í innlendismálum, og varðar av Vága floghavn.

Hann sigur í stuttari viðmerking, at landsstýrið veit um tørvin hjá Vága floghavn. Hann sigur eisini, at leisturin, har peningur úr Íleggingargrunninum verður brúktur til útbyggingar á flogvøllinum, er brúktur fyrr, og tí er hugsandi,  at tað verður gjørt aftur.

Landsstýrismaðurin leggur tó dent á, at málið hevur ikki hevur verið til politiska viðgerð.

Slakar 700 milliónir kr. standa í Íleggingargrunninum, sambært nýggjasta roknskapinum, sum er frá 2021. Haraftrat eigur Íleggingargrunnurin partabrøv fyri knappar 200 milliónir.

Íløgur í undirstøðukervi

Endamálið hjá íleggingargrunninum er at veita fígging til íløgur, serliga í sambandi við undirstøðukervi og tílíkt, sum skal menna vinnulívið í Føroyum, og har onnur figging ikki fæst.

Íleggingargrunnurin hevur longu fíggjað umleið 400 milliónir kr. til at útbyggja Vága Floghavn. Hetta var gjørt, eftir flogvøllurin var yvirtikin í 2007.