Jens Stoltenberg heldur fram sum Nato-aðalskrivari

Jens Stoltenberg heldur fram so Nato-aðalskrivari. 

Tað hevur Stoltenberg sjálvur boðað frá, eftir ein fund við limalondini. 

Í fyrstu syftu er gjørt av, at hann verður aðalskrivari til 1. oktober í 2024. 

- Tað er mær ein heiður, at limalondini hava heitt á meg at halda fram sum aðalskrivari, skrivar Stoltenberg á Twitter. 

Størri týdning enn nakrantið

- Samstarvið millum Evropa og Norðuramerika hevur tryggjað frælsi og trygd í næstan 75 ár, og í serstøku støðuni, sum heimurin er í í løtuni, er hevur samstarvið størri týdning enn nakrantíð, sigur hann. 

Tað var annars ætlanin, at Jens Stoltenberg skuldi gevast, eftir at hava sitið níggju ár í sessinum sum Nato-aðalskrivari.

Seinastu vikurnar hevur leingið verið gitt um, hvør skuldi taka við starvinum, m.a. danski forsætisráðharrin, Mette Frederiksen.

Tað eru tey 31 limalondini í Nato, sum velja aðalskrivaran.