Fáa ikki oljuískoyti fyri fjarhita

Fólk, sum hava fjarhita, hava ikki rætt til at fáa oljuískoyti, tí tey brúka ikki olju til at hita húsini.

Kærustovnurin hevur staðfest eina avgerð hjá Almannaverkinum um at sýta umsøkjara oljuískoyti við teirri grundgeving, at bústaðurin ikki verður upphitaður við olju, men við fjarhita.

Tann, sum fekk eitt nei frá Almannaverkinum, góðtók ikki tað og fór til Kærustovnin.

Grundgevingin var, at hon rindar tað sama sum tey, sum hava oljufýr.

Og Fjarhitafelagið brúkar eisini olju. 

Men niðurstøðan hjá Almannaverkinum og Kærustovninum er, at fjarhiti gevur ikki rætt til oljuískoyti.

Oljuískoytið er 10.000 kr.