Nú búgva 54.500 fólk í Føroyum

1.juni búðu 54.500 fólk í Føroyum.

Seinasta árið eru komin 591 fólk aftrat. Vøksturin er 1,1 prosent.

Men hetta eru ikki føroyingar.

Danskir ríkisborgarar blivu ikki fleiri í Føroyum seinasta árið, skrivar Hagstovan.

Fólk, sum hava annan ríkisborgaraskap, eru vorðin rættiliga nógv í Føroyum seinastu fimm árini.

Fólkavøksturin seinasta árið kemur av burðaravlopi, sum er 180 fólk, og nettoflyting, sum er 411 fólk.  

Samanborið við undanfarna tíðarskeið, er nettoflytingin minkað, og burðaravlopið er vaksið.