Emerald kemur á Havnina hósdagin

Seinnapartin hósdagin kemur nýggi verksmiðjutrolarin hjá partafelagnum Havborg, Emerald, á Havnina.

Hann leggur at á Eystaru bryggju, har móttøka verður klokkan 16, upplýsir Tórshavnar kommuna.

Røður verða hildnar, og síðani verður skipið doypt.

Eftir sjálvt hátíðarhaldið verður høvið at síggja trolaran. 

Smíðaður í Turkalandi

Emerald er smíðaður á Tersen skipasmiðjuni í Turkalandi. Hann er 87,5 metrar langur, 18 metrar breiður, og 11 metrar djúpur.

Fyrsta túrin verður farið Barentshavið at fiska rækjur, og skipari verður annaðhvørt John Mikkjal Godtfred ella Jákup Joensen.

20 mans við Emerald við fyrsta túrin.

Trolarin tekur eini 900-1000 tons av rækjum.