Løntakararnir settu met í juni

Ongantíð áður hava so nógvir løntakarar verið í Føroyum sum í juni í ár.

Tá vóru teir 28.445, sum eru 340 fleiri enn í juni í fjør og 111 fleiri enn í mai í ár.

800 fleiri menn enn kvinnur eru løntakarar.

Flestu løntakarar eru í bólkinum almennar tænastur, 10.553, og har er nógv tann størsti parturin kvinnur.

Nú eru 92,5 prosent av løntakarunum í Føroyum danskir ríkisborgarar.

Tað talið var uppi í 99,2 prosentum í august 1995, men er síðani støðugt minkað.