Nes kommuna hevði tvær milliónir í avlopi í fjør

Avlopið hjá Nes kommunu eftir rakstur og íløgur var næstan tvær milliónir krónur í fjør.

Kommunan hevði rakstraravlop, sum var góðar 15,6 milliónir.

Íløgurnar í 2022 vóru tí góðar 13,6 millióni.

Partafelagsskatturin, sum kommunan fekk, var meira enn dupult so stórur sum mett var í fíggjarætlanini.

Har var roknað við einari millión, men tá ið árið var liðugt, vóru komnar tvær milliónir og 332.000 krónur í partafelagsskatti.

Kommunan fekk eisini meira úr landskassanum enn mett var til eldraøkið. Hon fekk eina slaka millión meira.