Bjargingarbátar hava úr at gera

Bjargingarbátarnir hava úr at gera við at fara eftir bátum, sum hava fingið tøkniligar trupulleikar.

Í gjár vóru boð eftir bæði Rescue Sverra og Rescue Vón.

Sverri var eftir einum báti, sum fekk trupulleikar við girinum.

Hann var vestanfyri, og Sverri fór á Miðvág við honum.

Rescue Vón sleipaði ein seglbát, sum var hálvanannan fjórðing norður úr Mýlingi.

Hann var sleipaður til Eiðis.