Sølutorg á Strondum

Sjóvar kommuna hevur sett upp sølutorg í Heygsstøð á Strondum, og er tað ætlað teimum, ið hava hug at selja ella keypa matvørur.

Hetta kann eitt nú vera fiskur, kjøt, grønmeti, pylsur, súltutoy og annar matur, sigur kommunan á heimasíðu síni.

Tað er frítt at selja, og ikki er neyðugt at boða kommununi frá.

Í fyrstu atløgu verður boðað frá í bólkinum “Strandingar á facebook” og aðrastaðni, tá ið onkur hevur okkurt at selja.

Men tekur søluvirksemið dik á seg, verður ein bólkur gjørdur á facebook til endamálið, sigur kommunan.