- Tíðindi, mentan og ítróttur
G!: Benjamin hugtók við sínum vøkru sangum
G!: Benjamin hugtók við sínum vøkru sangum
Fyrsta konsertin á ársins G! festivali var ein staðfesting av, at føroyska singer-songwriter-sjangran hevur tað gott
Dugnaligi føroyski sangarin og sangskrivarin Benjamin Rajani, ið hevði sungið seg á G! skránna umvegis Sement-tónleikakappingina, spældi ársins fyrstu G! konsert
Mynd: Bjarni Árting Rubeksen
13.07.2023 - 17:59
Tað var sangarin og sangskrivarin Benjamin Rajani, sum fekk heiðurin at spæla ársins fyrstu konsert á G! festivalinum 2023.
Plássið á G! skránni vann Benjamin Rajani á ársins Sement-kapping.
Myndir: Bjarni Árting Rubeksen
Benjamin Rajani hevur x-factor. Ikki tað tvæltið, ið hevur avloyst Disney-show í donskum sjónvarpi fríggjakvøld. Nei, Benjamin hevur veruligt X-factor, ið tað er trupult at seta orð á.
Benjamin hevur ikki heimsins størstu rødd ella mest larmandi sangir. Hjá Benjamin er tað hinvegin eitt huglag, ein sjarma, men mest av øllum ein grundleggjandi musikalitetur, ið samanflættar hansara X-factor.
Føroyski trubadururin hugtók tey, ið vóru møtt til ársins fyrstu G! konsert, við nýggjum og sera vøkrum sangum á føroyskum, ið hann hevur skrivað í Manchester, har Benjamin er búsitandi.
Saman við einum ótrúliga væl leikandi bólki borðreiddi Benjamin Rajani við nøkrum sangperlum, ið passaðu væl til huglagið við eitt sindur av sirmi.
Sangirnir vera at finna á einari nýggjari plátu, ið Benjamin Rajani fer at geva út næsta ár.
Er kopiera
Nýggjastu sendingar í ÚV
Nýggjastu sendingar í SV
