Verri úrslit í øðrum ársfjórðingi

Úrslitið hjá Bakkafrosti í øðrum ársfjórðingi er verri enn áður væntað. 

Tað stendur í fráboðan til partaeigararnar.

Rakstrarúrslitið fyri rentur og skatt verður 353 mió. kr.

Orsøkin er, at minni var tikið, og laksurin vigaði minni. Prísurin fyri feskan laks minkaði eisini.

Í Føroyum kostaði felli 32 mió. kr. og 43 milliónir í Skotlandi.

Bakkafrost hevur endurskoðað sína meting um, hvussu nógv verður tikið í Føroyum í ár. 

Bakkafrost væntar at taka 63.000 tons í Føroyum og 30.000 tons í Skotlandi, tað talið er óbroytt.