Eisini íslendsk skip fáa nógvan makrel

Íslendsk skip fáa nógvan makrel í íslendskum sjógvi eystan fyri Ísland, men veðrið hevur verið vánaligt í seinastuni.

Skipini hava longu nú fiskað góð 22.000 tons, 15 prosent av kvotuni.

Tey hava góð 120.000 tons eftir.   

Sagt verður, at makrelurin er stórur og góður, 520 til 530 gramm, og nógv æti er í honum.

Skipini fiska í ein landnyrðing úr Reyða torginum, tey kalla.

Hetta er fyrstu ferð, at so nógvur makrelur er í íslendskum sjógvi.

Føroysku uppsjóvarskipini fáa eisini nógvan makrel í føroyskum sjógvi.