Fjarhitafelagið aftur hall í fjør

Fjarhitafelagið í Havn hevði nærum seks milliónir krónur í halli eftir skatt í fjør.

Tað skrivar Vágaportalurin.

Hetta er triðja árið á rað, at Fjarhitafelagið hevur hall, og samlaða hallið hevur verið um 10 milliónir krónur hesi árini.

Nettosølan minkaði umleið eina millión, samstundis sum framleiðslukostnaðirnir vuksu stívliga fimm milliónir krónur.

Eisini starvsfólka- og rentukostnaðirnir vuksu.

Í fjør komu 141 nýggir brúkarar í skipanina hjá Fjarhitafelagnum, sum nú hevur tilsamans 1740 brúkarar.

Fíggjarstøðan javnvigar við 258 milliónum krónum og eginognin er smáar 83 milliónir, skrivar Vágaportalurin.