Brimil havt úr at gera

Í síðstu viku jakstraði Brimil skipið hjá Paul Watson, John Paul DeJoria, tí tað breyt forboðið um at fara inn um 12 fjórðinga markið. 

Um vikuskiftið hevur Brimil aftur havt úr at gjørt, tí bæði fríggjadagin, leygardagin og í gjár vóru boð eftir MRCC, sum í øllum trimum førunum sendi Brimil avstað.

Fríggjadagin var ein útróðrarbátur uppsteðgaður á Føroya Banka og mátti hava sleip til lands.

Leygardagin hevði eitt fiskifar norðanfyri fingið trolið fast í botni, og Brimil fór á staðið at fáa loyst hesa uppgávuna.

Og í gjár sleipaði Brimil ein útróðrarbát, sum hevði fingið um skrúvuna, inn á Klaksvík.

Har fóru kavarar av Brimli niður og skóru av skrúvuni, so útróðrarbáturin kundi fara til útróðrar aftur.