Varðin Pelagic ikki byggiloyvi

Býráðið samtykti, at áðrenn endaligt byggiloyvi verður givið, skal sáttmáli gerast millum Varðan Pelagic og Tvøroyrar kommunu um sjóøkið, ið skal fyllast út við gróti úr Hvalbiarbergholinum.

Varðin Pelagic ber í fyrsta umfari allan kostnað, eisini fyri at flyta grótið til Tvøroyrar, stendur í samtyktini.

Tvøroyrar kommuna eigur grótið, sum skal seljast Varðanum Pelagic.

Varðin Pelagic skal eisini útvega øll loyvi, sum krevjast fyri at koyra grót á sjógv.