Formaðurin mælir frá at skilja Búskaparráðið og Landsbankan sundur aftur

Formaðurin í Búskaparráðnum, Fróði Magnussen, heldur tað ikki vera skilagott at skilja Búskaparráðið og Landsbankan frá hvørjum øðrum aftur.

Tað sigur hann í grein um dagarnar.

Við at savna Búskaparráðið og Landsbankan, er styrkt um fakliga umhvørvið, tí nú eru tað níggju ella tíggju fólk, ið kunna geva sítt íkast til arbeiðið hjá Búskaparráðnum, heldur enn bara ein ella hálvurannar skrivari.

Fróði Magnussen, Búskaparráðið, Várfrágreiðing, Framløga

- Og við at hava eina nevnd heldur enn tvær nevndir, sparir landið pengar, sigur Fróði Magnussen.

Eisini vísir hann á, at nevndin í Búskaparráðnum ikki hevur fyri neyðini at leiga sær høli, tá ið frágreiðingar skulu skrivast, men brúkar hølini hjá Landsbankanum, og tá sparir landið pengar.

- Við at fyrisitingin í Landsbankanum avgreiðir alt tað fyrisitingarliga, er ikki neyðugt við eykað kostnaði til fyrisiting, sigur formaðurin í Búskaparráðnum.