Enn ikki søkt eftir Posta-stjóra

Síðst í juni var boðað frá, at Joel undir Leitinum segði seg úr starvinum sum stjóri hjá Posta.

Um sama mundið tók hann við sum stjóri í fyritøkuni Globe Tracker, har hann frammanundan var nevndarformaður.

Eisini var Joel undir Leitinum blivin nevndarformaður í smápartafelagnum Í Leitinum.

Hetta felag skal standa fyri byggiverkætlanini í Leitinum í Saltangará, sum kostar 450 milliónir krónur.

Sp/f Í Leitinum er dótturfelag hjá danska felagnum St. Jørgen Ejendomme.

Ikki søkt enn
Nú hevur Skrásetingin so fingið fráboðan um, at Joel undir Leitinum er farin frá sum stjóri í p/f Postverki Føroya.

Jógvan Elias Steingrím Joensen, sum hevur verið fíggjarleiðari hjá Posta síðani 1. februar, er nú stjóri har.

Hann er settur fyribils, og enn er ikki søkt eftir stjóra fyri Joel undir Leitinum.