Eingin makrelur vestanfyri Ísland

Fyribils vísa niðurstøðurnar ikki, at líka nógvur makrelur er við Ísland sum árini 2013 til 2019, verri enn so.

Frá 2013 til 2019 var makrelurin eisini nógv vestari enn nú. 

Yvirhøvur vóru økini, har makrelur er, minni nú enn hini árini. 

Tá var nógvur makrelur vestanfyri, sigur segir Anna Heiða Ólafsdóttir, fiskifrøðingur, við Fiskifrettir.

Hon sigur, at lítið er av ungum fiski.

Føroyar eisini lidnar

Jákup Sverri er eisini liðugur við makrelkanningarnar í ár, sum vístu, at makrelur var víða um í kanningarøkinum, men nøgdirnar vóru ikki stórar, sigur Havstovan. 

Noreg, Ísland og Danmark eru við í kanningini.

Tey bæði norsku skipini kanna enn norðanfyri. Tey gevast 5.august.

Í viku 33, vikan, sum byrjar 14.august, vera úrslitini hjá øllum kanningarskipunum greinað og ein niðurstøða verður gjørd.

Hon verður so brúkt til stovnsmeting, sum ICES brúkar til sítt tilmæli.