Serskattaskipanir kosta landskassanum hundraðtals milliónir árliga

Lønir fyri 545 milliónir um árið verða ikki skattaðar.

Orsøkin er, at Føroyar hava fleiri serskattaskipanir, so sum DIS, FAS, sjómannafrádráttin í Føroyum, sjómannafrádráttin uttanlands og uttanlandsfrádráttin, sum kosta landinum millum 200 og 300 milliónir krónur í mistum inntøkum.

Tað vísir ein uppgerð frá Fíggjarmálaráðnum. 

Lyftir skulu fíggjast

Løgmaður nevndi í síni røðu á ólavsøku fleiri átøk, sum hendan samgongan ætlar at fremja, og sum fara at kosta landskassanum pengar.

Eitt nú nevndi Aksel V. Johannesen ætlanin at stytta arbeiðsvikuna og geva lág- og miðalløntum ein skattalætta. 

Ruth Vang

Men tað verður ikki nakar stórur skattalætti, um ikki serskattaskipaninar eisini verða viðgjørdar í sama viðfangi, sigur Ruth Vang, landsstýriskvinna í fíggjarmálum. 

Tað er ikki vist, at undirtøka er í samgonguni fyri at strika serskattaskipanirnar, sigur Ruth Vang.

Ruth_Vang_02_010823

RÆTTING: Vit skulu gera vart við, at vit í tíðindunum á døgurða søgdu, at talan var um yvir 500 milliónir krónur í mistari skattainntøku - tað er ikki rætt. Talan er um millum 200 og 300 milliónir krónur.