Bakkafrost eitt sindur minni vert í síðstu viku

Partabrævið í Bakkafrosti gjørdist minni vert í síðstu viku.

Mánadagin endaði tað á 591,50 krónum. 

Týsdagin fór tað eitt sindur upp. Tá keypsskálin læt aftur kostaði partabrævið 597,00 kr.

Síðani er tað farið niðureftir.

579,50 krónur

Fríggjadagin var tað 579,50 krónur.

Talan er um norskar krónur og um miðaltøl.

Nøkur partabrøv vera seld fyri meira og onnur fyri minni enn tølini omanfyri.

Partabrævið í Bakkafrosti fór knappliga 15 prosent niður 17.juli, eftir at Bakkafrost dagin fyri boðaði frá lakari úrsliti í øðrum ársfjórðingi enn áður hildið.

Men tað fór eitt sindur uppaftur nakrar dagar seinni, og er síðani farið upp onkra dag og niðuraftur onkran annan dag.