Jónas í EM-finaluni á 400 metrum fyri U20

Jónas Gunnleivson Isaksen rann seg fyri løtu síðan í finaluna á 400 metrar teininum í evropameistarakappingini fyri U20, sum byrjaði í Jerusalem í morgun.

Føroyski rennnarin kom næstur um málstrikuna í innleiðandi umfarinum. Tíðin var 46,75.

Mettíðin hjá Jónasi er 46.02.

Finalan á 400 metrum verður mikudagin klokkan fimm. 

Stórar vónir eru til Jónas, sum er millum skjótastu rennarar í Evropa í løtuni í U20 árganginum, hóast hann bara er 17 ár.

Ein annar føroyingur skal eisini kappast í dag í evropameistarakappingini. Tað er Eiri Jógvansson Glerfoss, ið skal renna innleiðandi á 100 metrum klokkan 15.00 seinnapartin. 

Føroysku rennararnir eru við í danska landsliðshópinum, tí Føroyar ikki hava limaskap í IAAF/World Athletics, ið er altjóða sambandið fyri frælsan ítrótt.