Føroyar eru eitt veikt punkt hjá NATO í Norðuratlantshavi

- Nato hevur ov nógvar veikleikar í Norðuratlantshavi og Arktis.

Tað sigur Alexander B. Gray, sum er fyrrverandi stápsstjóri í amerikanska trygdarráðnum, tá Donald Trump sat sum forseti.

Í eini greining fyri amerikanska tíðarritið, Foreign Policy, sigur Alexander Gray, sum var stápsstjóri í amerikanska trygdarráðnum frá 2019 til 2021, at Danmark og Norra ikki geva Russlandi nóg stóra mótstøðu í Norðuratlantshavi og Arktis.

Nato, Nato-venjing, herskip, hernaðartyrlur

(Mynd: Bjarni Árting Rubeksen)

Russland fær størri ávirkan

Hann vísir á, at vandi er fyri, at Russland fær størri ávirkan í økinum, í og við, at danska stjórnin hevur minni og minni ávirkan í Føroyum og Grønlandi.

Í Norra ger sama støða seg galdandi á Svalbard.

Í síni greining vísir Alexander B. Gray á mongu russisku skipini, sum hava ligið við bryggju í Føroyum meðan kríggið í Ukraina hevur herjað.

Skip av hesum slag er løgd undir at njósnast og fremja sabotasju.

Nato, Nato-venjing, herskip, hernaðartyrlur

(Mynd: Bjarni Árting Rubeksen)

Ógreitt hvør hevur ræðið í Føroyum

Kristian Søby Kristensen, sum er serfrøðingur í trygdarpolitikki og granskari á Lærda háskúlanum í Keypmannahavn er lutvíst samdur við greiningini hjá fyrrverandi stápsstjóranum í Hvítu Húsunum.

Kristian Søby Kristensen sigur við TV2, at hann heldur eisini, at tað kann sýnast ógreitt, hvør hevur ræðið í Føroyum, Grønlandi og á Svalbard, og at hetta kann geva Russlandi møguleikar í Arktis og Norðuratlantshavi.

Sambært Kristian Søby Kristensen kann Russland gagnnýta støðuna í økinum og gera hana meira spenta og hættisliga.

Nato, Nato-venjing, herskip, hernaðartyrlur

(Mynd: Bjarni Árting Rubeksen)