Petur Knudsen: "Stuttligt at sleppa at royna nakað heilt annað"

Fótbóltsleikarin Petur Knudsen úr Runavík hevur seinastu tíðina hevur verið sáttmálaleysur, eftir at sáttmáli hansara gekk út við superligafelagið Lyngby í juli.

Nú hevur Petur Knudsen funnið sær nýtt felag handan hav.

El Paso Locomotive

Talan er um El Paso Locomotive FC, sum spælir í USL Championship Western Conference, ið er næstbesta deildin i USA, har liðið í løtuni liggur á sjeynda plássi.

El Paso Locomotive

Petur Knudsen er fyrsti føroyingur, sum gerst yrkisleikari í USA.

"Eg helt, at tað kundi vera stuttligt at sleppa at royna okkurt heilt annað, nú eg fekk hendan møguleikan," sigur Petur Knudsen.

El Paso Locomotive

"Støðið er væl oman fyri støðið í føroysku deildina og á leið sum niðara helvt í svensku deildini og ovara helvt av næstbestu donsku deildini. Til venjing síggi eg, at leikarar eru væl fyri tekniskt, men tað manglar kanska nakað í mun til tað taktiska," greiðir Petur Knudsen frá.

Petur Knudsen, sum er yrkisleikari í USA, heldur ikki, at skiftið til El Paso eigur at ávirka hansara møguleikar at blíva úttikin til landsliðið. 

"Hetta er ikki nakað, ið ger, at eg blívi ein verri fótbóltsspælari av," staðfestir hann.