Vænta nógvan útróður í vikuni, tí streymurin er hampiligur og veðrið gott

Eitt frystilínuskip fiskar skøtu og brosmu vestanfyri Skotland.

Tvey frystilínuskip eru undir Føroyum. Tey fáa mest longu og brosmu. 

Bara eitt ísfiskalínuskip er úti, sigur Fiskamarknaðurin.

Hann væntar nógvan útróður nú í vikuni, streymurin er hampiligur og veðrið gott.

Væntandi fer onkur á Føroya banka.

Fiskaríið hjá útróðrarbátunum er smáligt. 

Ein ísfiskatrolari fiskar svartkalva. 

Um partrolarar verður sagt, at fýra pør fiska upsa og annan hvítfisk, serliga tosk og longu.

Eitt par og ein trolari við lemmum fiska gulllaks.

Fimm trolbátar eru á landleiðini. Teir fiska mest flatfisk.

Ein trolbátur er norðanfyri og fiskar hýsu og tosk. 

Eitt garnaskip fiskar svartkalva. Fiskaríið hjá teimum er brúkiligt. 

Hini garnaskipini liggja.