Kringvarpið hevur einans rættindi at vísa KÍ-dystin í Føroyum

Fótbóltsfepur herjar í Føroyum í dag, nú KÍ í kvøld skal royna at vinna seg eitt fet nærri Chamipons League-bólkaspælinum móti norska meistaraliðnum Molde. 

KÍ vann fyrra dystin á Tórsvølli 2-1, og í kvøld verður seinni dysturin spældur í Molde. 

>>Sí: "Vit spæla uttan trýst"

Dysturin verður bríkslaður í gongd klokkan 18, og Kringvarpið vísir dystin beinleiðis í sjónvarpinum. Vit byrja at senda klokkan 17.50.

Gevið tó gætur, at Kringvarpið einans hevur rættindi til at senda dystin í Føroyum. Tað merkir, at tað einans ber til at hyggja eftir dystinum á heimasíðu Kringvarpsins við teldum, sum hava føroyskar IP-adressur. Fyribrigdið kallast geo-blokking og ger, at eitt nú føroyingar í Danmark ikki fáa stroymt dystin á kvf.fo.

KÍ-dysturin ávirkar eisini skránna í sjónvarpinum, tí Dagur og vika verður send longu klokkan 17.30.