- Tíðindi, mentan og ítróttur
Smáligt fiskarí hjá útróðrarbátunum
Smáligt fiskarí hjá útróðrarbátunum
Góður streymur og gott veður gera, at Fiskamarknaðurin væntar nógvan útróður nú í vikuni, millum annað á Føroya banka
Fiskaríið hjá útróðrarbátum er smáligt í løtuni. Teir fáa tosk og hýsu
Mynd: Savnsmynd
21.08.2023 - 11:08
Streymurin í vikuni verður góður, og veðrið verður eisini gott.
Tí væntar Fiskamarknaðurin nógvan útróður í vikuni, millum annað á Føroya banka.
Men fiskaríið hjá útróðrarbátum er smáligt. Teir fáa tosk og hýsu.
Línuskipini
Øll ísfiskalínuskipini liggja í løtuni.
Trý frystilínuskip eru undir Føroyum, tey fáa longu og brosmu.
Eitt frystilínuskip er við Grønland.
Trolararnir
Ein ísfiskatrolari fiskar svartkalva, og ein er farin á ryggin at fiska tosk.
Ein frystitrolari fiskar svartkalva við Eysturgrønland.
Fýra partrolarar fiska upsa og annan hvítfisk, serliga tosk og longu.
Upsafiskaríið er framvegis smáligt.
Eitt par og ein lemmatrolari fiska gulllaks.
Trolbátar
Tríggir trolbátar eru úti.
Teir fáa tosk, hýsu og flatfisk.
Tvey garnaskip fiska svartkalva, og eitt fiskar havtasku.
Fiskaríð er brúkiligt.
Er kopiera
Nýggjastu sendingar í ÚV
Hósdag 17. september
Skráin á Tjóðpallinum 2026/27, fyrsta konsertin við Leu Eyðbjørg í Føroyum
213426
Nýggjastu sendingar í SV
