Marianna Winter millum bestu ungu tónleikavinnufólkini í Norðurlondum

Flestu føroyingar kenna nokk Marionnu Winter Nagata best sum tónlistafólk. 

Men Marianna Winter Nagata hevur eisini ein sera virkin aftan fyri føroyska tónleikapallin, og tað fær hon nú viðurkenning fyri. 

Tá ið NOMEX, sum er eitt samstarv millum tónleikaúflutningsstovurnar í Norðurlondum, avdúkaði teir 20 einstaklingarnar undir 30 ár, sum hava týðandi leiklut í vøkstrinum og útbreiðsluni av norðurlendskum tónleiki, var 23 ára gamla Marianna Winter Nagata millum tey 20 nøvnini. 

Tað er ein dómsnevnd við norðurlendskum tónleikavinnufólkum, sum velur tey 20 ungu fólkini, ið nevndin metir hava møguleika at gerast leiðarar í tónleikavinnuni í framtíðini.

Hetta er sætta árið, at listin verður gjørdur. 

Marianna Winter Nagata

Ágrýtin stuðul

23 ára gamla Marianna Winter Nagata verður lýst sum ein ágrýtin stuðul hjá spírandi tónlistafólkum í Føroyum. 

Umframt at starvast sum A&R-folk hjá føroyska plátufelagnum TUTL, so er hon eisini útgávustrategur og tónleikarafyriskipari, og hon hevur ein virknan leiklut í bókingartoyminum hjá G! festivalinum.

Marianna Winter Nagata leiðir eisini lokala jazzfelagsskapin í Havn og bókar nøvn til árliga Vetrarjazzfestivalin.

Og so er hon fortalari fyri rættindum hjá føroyskum tónleikarum sum nevndarlimur í Tónleikasambandi Føroya. 

Teir 20 vinnararnir verða heiðraðir á: Larm festivalinum í Oslo í Noregi 14. september.