Landsrætturin staðfesti dóm um kynsliga misnýtslu

Eystari landsrættur hevur staðfest dóm hjá Føroya Rætti um kynsligan misnýtslu. 

Ákærdi fekk í Føroya rætti 10 mánaða treytaleysa fongsulsrevsing fyri annað kynsligt samband enn samlegu við abbadóttir, sum var undir 12 ár, tá brotini fóru fram.

Í gjár viðgjørdi landsrætturin málið og staðfesti dómin hjá Føroya Rætti. 

Tað skrivar løgreglan í tíðindaskrivi. 

Tvey onnur mál hava eisini verið fyri í landsrættinum í vikuni.  

Fyrra málið snúði seg brot á djóravælferðarlógina. Dómur fellur 31. august.

Í seinna málinum, sum var eitt harðskapsmál, varð kæran tikin aftur. Tá ið ein kæra verður tikin aftur, verður dómurin hjá Føroya Rætti endaligur.