Stjórnin biður um umbering

Klokkan ellivu byrjar tiltak í Norðurlandahúsinum í Havn í sambandi við, at danska stjórnin biður um umbering fyri, hvussu fólk, sum vóru heimansett undir ser- og andveikraforsorgini frá 1933 til 1980, vóru viðfarin.

Ein frágreiðing um hetta varpar ljós á eitt døkt tíðarskeið í danskari søgu.

Børn, ung og vaksin vóru fyri sviki og ágangi, meðan tey vóru í varðveitslu hjá statinum, stendur í frágreiðingini.

Nógvir føroyingar vóru millum teirra, 142 føroyingar vórðu sendir til Danmarkar.

Pernille Rosenkrantz-Theil

Umberingin hjá danska ráðharranum, Pernille Rosenkrantz-Theil, verður stroymd.

Lærdi á Rødbygaard

Almanna- og Mentamálaráðið, Javni, Megd og onnur skipa fyri tiltakinum, sum er fyri tey, sum vóru send til Danmarkar í tíðarskeiðnum 1933-1980, og eru komin heim aftur til Føroya, teirra avvarðandi og onnur áhugað.

Samrøða verður við Ragnhild Dahl, sum lærdi á Rødbygaard. Hon var við í tilgongdini, tá vit í Føroyum tóku okkara heim aftur.

Á skránni eru eisini fyrilestur og sofaprát.

Umberingin hjá danska ráðharranum, Pernille Rosenkrantz-Theil, verður stroymd.

Tiltakið í Norðurlandahúsinum verður frá kl.11.00 til 14.00.